இதய நோய்க்கான ஓர் உயரிய பாதுகாப்பான மருத்துவ சிகிச்சையை பற்றிய பத்திரிக்கையாளர்கள் சந்திப்பு

 திருச்சி ப்ரண்ட்லைன் மருத்துவமனையில் மேம்பட்ட இதயப் பராமரிப்பில் ஒரு திருப்புமுனை.

சிக்கலான இதய நோய்களைக் கையாள்வதில் ஒரு குறிப்பிடத்தக்க முன்னேற்றமாக, நவீன மருத்துவ சிகிச்சை மேற்கொள்ளப்பட்டது. இது குறித்து ப்ரண்ட்லைன் மருத்துவமனையின் நிர்வாக இயக்குனரும் பொது லேப்ராஸ்கோப்பி அறுவை சிகிச்சை நிபுணருமான டாக்டர் எஸ் ராதாகிருஷ்ணன் தலைமையில் செய்தியாளர் சந்திப்பு நடைபெற்றது. தலைமை தாங்கிய இதயநோய் நிபுணரான டாக்டர் முகமது காசிம், புதுமையான கருவிகள், மேம்பட்ட படமெடுப்பு அமைப்புகள் மற்றும் மருந்து பூசப்பட்ட பலூன்களைப் பயன்படுத்தி செய்யப்படும் 'ஸ்டென்ட் இல்லாத' ஆஞ்சியோபிளாஸ்டி அணுகுமுறை ஆகியவற்றின் பயன்பாட்டை எடுத்துரைத்தார்.

கரோனரி தமனிகளில் அதிகப்படியான கால்சியம் படிவுகள் தற்போது மிகவும் பொதுவானதாகவும், சிகிச்சையளிப்பதற்கு சவாலானதாகவும் மாறி வருகிறது. பொதுவாக , இத்தகைய நோயாளிகளுக்கு, பல உடல்நலப் பிரச்சினைகள் உள்ளன,வயதானவர்களுக்கு, சிகிச்சை அளிப்பது குறிப்பிடத்தக்க சவால்களை ஏற்படுத்தியது. இருப்பினும், இதயநோய் மருத்துவத்தில் ஏற்பட்டுள்ள சமீபத்திய முன்னேற்றங்கள், மிகவும் சிக்கலான நோயாளிகளைக் கூட மேம்பட்ட சிகிச்சை மூலம் குணப்படுத்தலாம். 

 தலைமை இருதய நிபுணர் 

டாக்டர் முகமது காசிம், நீண்டகால நீரிழிவு நோய், நாள்பட்ட சிறுநீரக நோய், உயர் இரத்த அழுத்தம் மற்றும் மிதமான இடது வென்ட்ரிக்கிள் செயலிழப்பு (EF-40%) ஆகியவற்றால் பாதிக்கப்பட்ட 73 வயதுப் பெண்ணுக்கு அளிக்கப்பட்ட சிகிச்சையை விவரித்தார். அதிகபட்ச மருத்துவ சிகிச்சையில் இருந்தபோதிலும், அவருக்குக் கடுமையான மார்பு வலியும் மூச்சுத்திணறலும் இருந்தன.

கரோனரி ஆஞ்சியோகிராம் செய்தபோது அவருக்கு பரவலான அதிக நோயுடன் கூடிய கடுமையான கால்சிஃபிக் டிரிபிள் வெசல் டிசீஸை வெளிப்படுத்தியது. வழக்கமான பைபாஸ் அறுவை சிகிச்சை தேர்வாக இருக்கவில்லை.

இதயக் குழு, மிகவும் சிறப்பு வாய்ந்த புதிய சிகிச்சை செயல்முறையை மேற்கொண்டது. ஆரம்பத்தில், தமனிகளில் உள்ள கடினமான கால்சியம் படிவுகளை உடைப்பதற்காக, மிக அதிக வேகத்தில் சுழலும் வைரத் துகள்கள் பூசப்பட்ட ரோட்டா பர் கருவியைப் பயன்படுத்தி நுட்பமான ரொட்டேஷனல் அதெரெக்டோமி செய்யப்பட்டது. இதைத் தொடர்ந்து, கால்சிஃபிகேஷன் அடைந்த இரத்த நாளங்களுக்காக வடிவமைக்கப்பட்ட சிறப்பு வெட்டும் பலூன்களைப் பயன்படுத்தி பலூன் டைலேஷன் செய்யப்பட்டது.

பின்னர், தமனியை உள்ளிருந்து மதிப்பிடுவதற்கு புதிய இன்ட்ரா வாஸ்குலர் அல்ட்ராசவுண்ட் (IVUS) இமேஜிங் பயன்படுத்தப்பட்டது, இது பரவலான கால்சியம் பாதிப்பு மற்றும் சிறிய அளவு இருப்பதை உறுதி செய்தது. இந்தக் கண்டுபிடிப்புகளைக் கருத்தில் கொண்டு, பேக்லிடாக்செல் கொண்ட மருந்து பூசப்பட்ட பலூன்களைப் பயன்படுத்தி ஸ்டென்ட் இல்லாத ஆஞ்சியோபிளாஸ்டியை குழு செய்தது இந்த அணுகுமுறை, நிரந்தர உலோக ஸ்டென்ட்டைப் பொருத்தாமல் தமனியைத் திறந்த நிலையில் வைத்திருக்க உதவுகிறது. 

இந்த சிகிச்சை முறையின் விளைவாக, இலக்கு தமனியின் உட்புற நீளம் 90 சதவீதம் அதிகரித்ததுடன், பாதிக்கப்பட்ட பகுதிக்கு இரத்த ஓட்டமும் மேம்பட்டது. நோயாளி சிகிச்சைக்கு நன்கு ஒத்துழைத்ததால், 48 மணி நேரத்திற்குள் தீவிர சிகிச்சைப் பிரிவிலிருந்து மாற்றப்பட்டார்.

பத்திரிகையாளர்களிடம் பேசிய டாக்டர் காசிம், கடுமையான சுண்ணாம்புப் படிவு பரவலான கரோனரி தமனி நோய் காரணமாக பைபாஸ் அறுவை சிகிச்சைக்குப் பொருத்தமற்ற நோயாளிகளுக்கு இதுபோன்ற நவீன சிகிச்சை முறைகள் நம்பிக்கையை அளிக்கின்றன என்று வலியுறுத்தினார். "புதிய தொழில்நுட்பங்களான (அதெரெக்டோமி கருவிகள்), துல்லியமான இமேஜிங் மற்றும் மருந்து பூசப்பட்ட பலூன்களுடன் (DCB) கூடிய ஸ்டென்ட் இல்லாத PCI முறையின் உதவியுடன், அதிக ஆபத்துள்ள நோயாளிகளிடம்கூட சிக்கலான கரோனரி தமனி நோய்க்கு இப்போது நம்மால் பாதுகாப்பாகவும் திறமையாகவும் சிகிச்சை அளிக்க முடியும்," என்று அவர் கூறினார்.

இந்தச் சாதனை, இதய சிகிச்சைத் துறையின் புதிய வளர்ந்து வரும் திறன்களை அடிக்கோடிட்டுக் காட்டுவதோடு, திருச்சியில் உள்ள ப்ரண்ட்லைன் மருத்துவமனையை இதயப் பராமரிப்பில் உலகளாவிய தரநிலைகளைப் பின்பற்றும் மையங்களில் ஒன்றாக நிலைநிறுத்துகிறது.